Forest lakah Antony a langsar

Nottingham Forest chu chak thei dinhmuna an din hnuah Real Betis nen 2-2 in an inhnehtawk - Nilaini zan Europa League inkhelah Spanish club tan hian Antony chuan hun tawp dawnah si phurh a sut zo.

Estadio La Cartuja de Sevilla-a inkhela, mualneitu Real Betis lamin minute 15-naah Cedric Bakambu hmangin an khung hmasa - a siamsaktu chu Antony a ni. Chawlhlawk hmain mikhual lamin Igor Jesus-a goal hnih hmangin an chhanglet.

Premier League club dinhmun a ṭha rei a, point thum an hmuh rinna pawh a lian hman. Mahse, hun tawp hma deuhin Antony a inlar - Brazilian forward hian Marc Roca cross chu lo chang fuhin a pet lut a, 2-2 in inkhel a tawp.

Forest hian manager thar Ange Postecoglou an neih hnuah chak ni hmel an la hmu lo chhunzawm - Tottenham manager hlui hian danglamna a thlen thei rih lo a, tuna a lan dan chuan season hmasa lama Forest boruak ang kha an la phak lo zawk hle.

Kar tawp Premier League inkhelah Forest hian Sunderland an mikhual zui dawn, season an hman ṭhat loh siamṭhatna tur remchang ni mah se an hna erawh a awlsam dawn lo tih a sawi lawk theih - Sunderland hi an chunga awm an ni.

Real Betis tan Antony chuan hun duhawm a hmang chhunzawm thung - Manchester United tan beisei phak lo mah se Spanish club tan erawh a khel ṭha ṭhin a, tun hma lama Ajax forward ṭha tak a nihna ang kha a lantir chho leh mek a ni.