Leoni chawlh rei a ngai dawn

Liverpool defender Giovanni Leoni chu khup hliam vangin hun engemaw chen a chawlh a ngai dawn a, a hliam hi ACL a nih avangin tun season-ah kan hmu tawh kher lo mai thei.

Kum 18 mi centre back hian nipui transfer-ah khan Parma aṭangin Reds hi pound maktaduai 26-in a zawm a, a khelh ṭhat dan a zira a man hi sang chho thei tur a ni.

Thawhlehni zan khan League Cup-ah Liverpool tan inkhel bul ṭanin, Merseyside club a pan hnua a match hmasa ber a ni a, mahse, minute 81-naah a khup hliam vang hian lakchhuah a ngai zui.

Leoni chuan, "Ka hun tawn harsa taka min thlawptute zawng zawng chungah lawmthu ka sawi a, mahse, Reds tana bul ka ṭan hun tura ka lo suangtuah ṭhin ang erawhin thil a thleng ta lo.

"Mahse, Anfield-ah ngei ka inkhelh leh vat theih nan theihtawp ka chhuah dawn a ni. Ka lawm e," a ti - Leoni a inhliam takah chuan Liverpool hian centre back-a chhawr theih Virgil van Dijk, Ibrahima Konate leh Joe Gomez chiah an nei tawh!