Brentford-a kir tur Bryan Mbeumo

Vawiin tlai dar 5:00 hian Manchester United leh Brentford te an inkhel dawn a, Community Stadium-ah Bryan Mbeumo a kir dawn a, Bees kawr ni loin Red Devils kawr a ha tawh thung ang.

Mbeumo hian tun nipuiah £65mtd-in Man United hi a zawm a, nipui bazara Ruben Amorim-a player lakluh zingah a la che ha ber. Cameroonian international hian United tan goal hnih a khung tawh a, player lakluh dang pahnih Matheus Cunha leh Benjamin Sesko ten goal an la khung lo.

Kum 26 mi Mbeumo hi Brentford tan chuan 'legend' a ni a, Championship aanga Premier League kaipuitu niin season ruk a khelh chhungin inelna hrang hrangah goal 70 a khungsak. Tun umah erawh English football-a a bul anna Bees lamah goal khung a tum dawn a ni.

Amorim-a kaihhruai Man United hian tun season-ah match zawna chak an la nei lo a, kar liam ta Inrinni khan Chelsea hnehin Bees an hneh leh thei a nih chuan match zawnin an chak thei dawn.

Man United hian season bul an ha lo mah se anni aiin Brentford hi an la talbuai zawk. Bees hian manager Thomas Frank an chan a, assistant manager hin Keith Andrews-a'n head coach hna a thawk.

Season liam taa an player pawimawh Mbeumo, midfielder Christian Norgaard, striker Yoane Wissa leh goalkeeper Mark Flekken te an chhuah a, chutihrualin player lakluh nan sum an hmang ve nual.

Liverpool captain hlui Jordan Henderson, goalkeeper Caoimhín Kelleher, defender Michael Kayode leh winger Dango Ouattara te chu an lakluh zinga langsar an ni a, player lakluh nana an sum sen hi £100mtd a ni pha.

Khualmualah an record ha lo mah se an mualah erawh Chelsea an chelh thei a, League Cup third round aangin Aston Villa an pet chhuak a, Man United pawh an fimkhur a ul ang.