Marquez a champion dawn?

Pathianni chawhma dar 10:30-ah MotoGP Japanese Grand Prix an tlan dawn a, champion an hre tawh mai thei. Marc Marquez chuan amah hnaih bertu Alex Marquez aia point thuma a hmuh tam belh a nih chuan a vawi sarih nan a champion ang.

Khawvela bike intlansiakna sang ber season kal laiah, hmahruai mektu Marquez hi a tlan ha thei hle - point 512 ngawt a hmu tawh a, intlansiak hmabak paruk ngawt la nei mah se a dinhmun a ha tawh takzet.

Spanish rider Marquez hian tun hmain MotoGP title hi vawi ruk a lo la tawh, champion tam lamah Valentino Rossi chauh tluk loh a nei, kuminah a champion leh a nih chuan Rossi hi a nihrual thei dawn, atan hun ha bik a ni ang.

Kum 2020 season tirah khan Marquez hi Jerez tlankawngah a chesual a, a ban ruh tliak chu vawi li ngawt zai nawn a ni. A hliam dam hnuah pawh ngai a awh leh mai thei lo a, kum li aia rei chu tun hma lam phak loin hun a hmang a ni.

Hun a inher hret a, tunah erawh atan hun ha a inher chhuak leh ngei dawn ta niin a lang. Marquez chuan, "Chanchinbu mi ka hmachhawn a ni emaw, mimal anga zawhna ka dawng emaw a nih pawhin thu ngai deuh hlir min zawt a ni ber.

"Ka chhanna pawh a pangngai deuh zel. Tun season atan hian intlansiak hmabak kan la nei tam, tun hi champion anga awm hun a la ni lo. Hma taka ka champion thei a nih erawh chuan duhthusam a ni a, nakkum atan rilru kan seng hma thei dawn tihna a ni ang," a ti.

Marquez hi kum 32 mi a ni a, taksa lama harsatna bik a nei a nih lem loh chuan MotoGP-ah hun a la nei nual dawn. Kuminah Rossi a nihrual ang a, nakkum lamah chuan miamala sang filawr ber nih tumin hma a la thei ang.