Europa League-ah Villa an chak

Premier League-a bul ṭan ṭha lo Aston Villa-in Europa League-ah chakin bul an ṭan a, Ningani zan khan Bologna 1-0 in an hneh. Goal awmchhun hi minute 13-naa John McGinn khung a ni.

Villa Park-a inkhelah hian McGinn hian box pawn aṭangin mawi zetin a volley lut a, second half-ah Ollie Watkins-a'n penalty a hlah. Unai Emery hote hi hun tawp lamah an talbuai a, harsa takin hnehna an chang hram.

Villa hian September 28, Pathianni hian Fulham an mikhual dawn a, relegation zone chhuah turin point thum an hlawhchhuah ngei a ṭul dawn.