Lawngtlaiah MPL 3 Days to go

GIG Motors MPL12 chu Lawngtlaiah October 2-3, 2025 hian khelh a ni dawn. Vawiin hian MPL club tam zawkin Lawngtlai lam an pan ang. Inkhelhna hmun tur hi CYLA Ground a ni a, inkhel en man hi Rs 50 leh Rs 100 niin Zonet Rihnim, Empai leh YouTube (member only) ah te a en theih dawn.

Lawngtlaiin fixture ṭha an chang a, I League club pahnih Aizawl FC leh Chanmari FC inkhel an chang. Chutihrualin khaw mipuite erawhin an khaw club MLS FC leh coach thar Samson Ramengmawia hnuaia khel 'Kanan FC' inkhel an en châk zawk thung ang.