An mualah Chelsea an tlawm

Chelsea tan Brighton & Hove Albion hi team lian leh hlauhawm an ni hran lo ang, an inkhelhna hmun Stamford Bridge a nih bawk avangin Enzo Maresca naute chu buk rit zawk pawh a ni.

Mahse, Inrinni zan Premier League inkhelah Chelsea hi an mikhual Brighton lakah 3-1 in an tlawm - Blues hian Enzo Fernandez hmangin goal an khung hmasa, engzat nge an khung belh ang tih chu zawhna a ni.

Amaherawhchu, second half tirah defender Trevoh Chalobah chuan hnung lam aṭanga Georginio Rutter a tih tluk avangin hnawhchhuah a ni a, thawnthu a danglam - Brighton lamin substitute Danny Welbeck-a goal hnih leh Maxim de Cuyper-a goal khat hmangin an vaw let.

Brighton an hneh loh hnuah co-sporting director pahnih Paul Winstanley leh Laurence Stewart; recruitments chief Sam Jewell leh Joe Shields te bakah co-owner Behdad Eghbali te chuan Maresca an zui lut a, hei hian sawi zui a hlawh.

Blues coach Maresca chuan, "Inthlanna hmun bulah office ka nei a, chutah chuan kan inhmukhawm fo, tun ṭumah pawh khan ni danga kan tih ṭhin angin kan inhmukhawm a ni mai, thil danglam a awm hran lo," tiin a sawi.