Mellung phuntu Harry Kane

Harry Kane chuan goal khung thei bik a nihna a lantir leh ta - Bayern Munich striker hian Werder Bremen lakah goal hnih khungin a team hi 4-0 in hnehna a chanpui.

Allianz Arena- inkhelah, striker ṭha Kane hian penalty a khung bakah goal khat dang a khung - Bavrians tan hian match 104 a khelh aṭangin goal 100 a khung tling der tawh; European league lian pangaah club tana goal 100 khung tling tura match mamawh tlem ber a ni.

Real Madrid tan Cristiano Ronaldo khan goal 100 khung turin match 105 a hmang a, ani bakah hian Manchester City striker ṭha Erling Haaland chuan hetiang zat match aṭang tho hian goal 100 a lo khung ve tawh bawk.

Tottenham Hotspur stariker hlui Kane hian Bayern Munich a zawn hnuah, a tir lam season pahnih chu goal khung tam ber a ni. Season thumna a hmang mek a, season kal laia inelna hrang hrangah goal 15 a khung leh der tawh avangin a sang leh tawh hle.