Vawiin aṭangin hmeichhe cricket World Cup

ICC Women's World Cup chu vawiin aṭangin khelh ṭan a ni dawn a, vawiin tlai dar 3:00 hian inelna thlengtu India leh Sri Lanka te an inkhel ang. Opening match hi Barsapara Stadium, Guwahati-ah khelh a ni dawn.

Kumin inelnaah hian team pariat Australia, Bangladesh, England, India, New Zealand, Pakistan, South Africa leh Sri Lanka te an tel a, vawi khat ṭheuh an inkhelh kual hnuah a sang paliin semifinal an lut ang.

Inelna hi India leh Sri Lanka ten an thleng kawp a, Colombo hian Pakistan leh Sri Lanka inkhel ho a thleng. Pakistan leh India hi knockout-a an inhmachhawn a nih pawhin Colombo-ah zel an inkhel ang.

Chutihrualin India leh Pakistan te hi semifinal emaw final emaw an inhmachhawn theih hi a rinawm loh. Hmeichhe cricket-ah chuan Australia (vawi 7 champion), England (4) leh New Zealand (1) te hi team ṭha an ni a, India pawh hi team vantlang chunglam niin final ṭum hnih an thleng ve tawh bawk.