Lungngaih chhan tur a awm lo - VVD

Premier League champion Liverpool-in league match-ah Crystal Palace an ngam lo a, London club an ngam loh hmaa tlawm nei miah lo team hi mi tam takin an derthawng ṭan angin an ziak.

Mahse, Liverpool captain Virgil van Dijk chuan, "Hlauhthawn chhan tur engmah a awm lo. Chutihrual chuan rang taka hmasawn tura kan inbuatsaih nghal a ngai dawn a ni," a ti a, a ṭhiante chu insiamṭha turin a fuih.

VVD chuan, "Thawhlehni zanah Turkey zinin, Galatasaray kan hmachhawn dawn a, hei pawh a awlsam dawn lo - kan inpeih at a ngai dawn a ni," a ti a, Turkish club chu chetsual theihna an nih thu a sawi - zanin dar 12:30-ah an intawng ang.

Galatasaray hian captain Mauro Icardi, striker Victor Osimhen, forward Leroy Sané, midfielder Ilkay Gündogan leh Lucas Torreira te ho an nei a, mahni muala Liverpool hneh tum ngam tur khawpin squad an nei ṭha tawk.

Reds hian Palace laka 2-1 a an tlawm hma khan Premier League, Champions League leh Carabao Cup-ah te match sarih a zawnin hnehna an chang tawh a, zaninah insiamṭhat lehnghal an tum ang.