Quarterfinal-ah Zverev a lut

Alexander Zverev chuan Corentin Moutet hnehin China Open khelh laiah quarterfinal a lut a, nizan khan player ṭha Daniil Medvedev nen inhmachhawn leh nghalin, inkhel result erawh kan hre hman ta lo.

German tlangval Zverev hian Moutet lakah hian 7-5, 3-6, 6-3 in hnehna a chang a, season tawp khar ṭha turin kawng dik a zawh, hmabak hlen tur erawh awlsam taka paltlang theih erawh a ni lo ang.

Kum 28 mi Zverev chuan, "Moutet hian tun hmain player ṭha tak tak a lo hneh tawh ṭhin, tun ṭumah pawh khan hmachhawn a awlsam hle. Tournament awlsam a ni lo a, a tawp thleng thei tur chuan tihsual neih tlem a ngai dawn," a ti.