Solanke hliam an zai

Tottenham Hotspur striker Dominic Solanke chu a ke rek hliam zai a ni a, a chawlh chen tur a la chiang lo. Spurs striker hian August 23 khan Manchester City hmachhawnin, hemi hnu hian a inlan leh tawh lo.

Spurs boss Thomas Frank chuan, "Hun engemaw chen chu a kerek hliam hian a tibuai tawh a, zai tenau neih mai a ṭulin kan hre ta a ni. International break zawhah a chawlh chen tur chu chiang takin kan hre thei ang," a ti.

Spurs hian nizan khan Champions League-ah Bodo/Glimt an hmachhawn a, result kan hre hman lo. Inrinniah Leeds United chu league-ah an lenchilh zui ang a, international break an hmang zui ang - match hnihah chuan a inlan dawn lo chiang tihna a ni.