ADFA I Division League: Ramhlun North an chungnung ber

Aizawl District Volleyball Association buatsaih - ADFA I Division League khelh mekah Ramhlun North chu midang tan um phak theih an ni tawh lo a, nimin khan league champion an nihna chu an nemnghet.

Chite Veng Play Ground-a inkhelah, Ramhlun North hian anmahni hnaih bertu Ramthar Veng chu 3-0 in an hneh. C. Royal Moses, Lalawmpuia leh RM Zothansanga te chuan goal khat ṭheuh an khung a ni.

Ramhlun North hian league match vawi sarih an khelh aṭangin point 18 an hmu a, an hnuai chiaha awm Ramthar Veng hian point 12 an hmu thung a, nimin inkhelah khan Ramthar hi chak ni se la chuan league champion an ni ve thei, mahse a tlawm zawkah an ṭang.

Ramhlun North hian Mizoram Premier League 13 qualifier an khel thei dawn, league champion an nih avang hian ADFA club aṭanga MPL qualifier khelh theihna chu an chang nghal a ni.