Final-ah Sinner a lut

Jannik Sinner chuan season a hman ṭhat a chhunzawm zel - Italian tlangval hian nimin khan Alex de Minaur chu 6-3, 4-6, 6-2 a hnehin China Open khelh laiah final a lut.

Grand Slam vawi li champion tawh Sinner hian final-ah chuan Learner Tien leh Daniil Medvedev te inkhela chak zawk a hmachhawn leh ang, anni hian nizan khan semifinal hnuhnung zawk khelin result kan hre hman lo.

Kum 24 mi Sinner chuan, "Final hma hahchawlh nan zan khat chauh hun a awm, chumi chhung chuan hahdam taka awm hman a ngai dawn a, taksa enkawl uluk a ngai dawn hle," tiin a sawi.

Australian tlangval De Minaur hian Sinner hi a ngam lo thei hle, an intawn hnuhnung 11 laiah a chak lo vek. Tun ṭumah pawh khan set khat chu la ve bawk mah se chak turin a dinhmun a siamṭha zo lo.

Hmeichhe inelna lamah Coco Gauff pawh a chak - champion lai Gauff hian set hloh hmasa mah se Belinda Bencic chu 4-6, 7-6 (7/4), 6-2 in a hneh a, a thiam zual pariat zingah a inhlangkai a ni.

American nula Gauff hian a match lehpekah chuan Eva Lys a hmachhawn ang; German player Lys hian last 16 inkhel dangah McCartney Kessler hnehin quarterfinal a lo invaw kai ve bawk a ni.