Inter Village Volleyball Inkhel a hmuhnawm nghal hle

Mizoram Volleyball Association (MVA) buatsaih - GIG Motors Inter Village Volleyball Tournament 2025 chu R. Dengṭhuama Indoor Stadium, Mualpuiah khelh mek a ni a, inelna neih ṭan ni aṭangin a hmuhnawm nghal hle.

Nimin inkhelah Saitual VC I te chuan Chamari West lakah 3-0 in hnehna an chang. Aizawl khawpui chhung veng an chetsual nasat karah Chhinga Veng erawh an chak - Pro Volleyball League team nei veng hian Sairang chu 3-0 in an hneh a ni.

Vawiin hian a hmun ngaiah inelna neih chhunzawm leh a ni dawn a, court pahnihah mipa inkhel 10 awm hman tura ruahman a ni.