Hmar chhak huap TT inelna awm dawn

A vawi khat nan Ultimate Table Tennis (UTT) chuan Table Tennis Super League (TTSL) a buatsaih dawn a, inelna hi North East State te tana tih niin November 27-30 chungin Guwahati-ah khelh a ni ang.

League khel thei turte chu NE player te chauh an ni dawn a, October 25 hian player lilam an ni dawn a, Mizo player paruk chu lilam tur zingah an tel.

Mizoram aṭanga lilam tur player parukte hian ESPL nen contract pawh an sign tawh a, club chhangtu an neih dan a zirin NE League hi an khel ve dawn a ni.

Mizoram aṭanga TTSL club 100% share lei tur duh hi hmuh mai theih a nih loh avang leh, hun a chep tak avangin Mizzoram Table Tennis Association chuan hmuh dan kawng dapin, state pawn lam thlengin thurualpui tur a zawng a, thil a kal tluan chuan 50:50 share talin club neih an tum a ni.