A thiam pali zingah Gauff

China Open khelh mekah champion lai Coco Gauff chuan Eva Leys chu straight set hmanga hnehin semifinal a invaw kai a, a nomawi kawl lai humhim turin kawng dik a zawh.

World number 3 Gauff hian darkar khat leh minute 28 chhungin German player Eva Leys hi 6-3, 6-4 in a hneh a, a match lehpekah chuan Amanda Anisimova leh Jasmine Paolini te inkhela chak zawk a hmachhawn leh ang.

American star Gauff chuan, "Leys khan hlauhawm leh ka tana dawnsawn harsa tur tak takin ball a rawn vaw fo a, hmachhawn a awlsam lo hle. Khingpui ṭha tak laka hnehna chan hi chu a hlu bik," tiin a sawi.

French Open a champion hnu khan Gauff hi hneh nei loin Wimbledon aṭangin a tla, grass court inelna lian hnuah erawh a khel ṭha chho leh tawh a, tournament khelh laiah hian ranking sang ber a ni mek.