Aston Villa an che fuh zel

Ningani zan Europa League inkelah Aston Villa chuan Feyenoord chu 2-0 in an hneh, season bul ṭan fuh tawk lo mah se Europa League lamah erawh a zawnin match hnih an chak - an boruak a ṭha chho leh tawh hle.

Stadion Feijenoord-a inkhelah chawlhlawk hmain goal a lut lo, second half-ah mikhual Aston Villa tan Emiliano Buendia chuan goal hmahruai khungin, a hnuah John McGinn chuan an chak a nemnghet.

Unai Emery enkawl Aston Villa hi Premier League lamah an che ṭha lo, match ruk an khelh chinah vawi khat chiah an chak, hnehna an chan hi Europa League khelh inkar ami niin, Fulham 3-1 in an hneh.

Villa boruak a ṭha chho leh tawh a, Pathianni zan dar 6:30-a Burnley an mikhual hunah pawh result ṭha neih chhunzawm ngei an tum ang, kar laihawla an inkhelh hah avang erawh chuan an hna a awlsam dawn lo.

Aston Villa manager Emery chuan, "Player siksawi theih kan nei a, khelmuala lut apiang khan an hna ṭha takin an hlen vek. Ka naute hian theihna sang tak an nei a ni tih a takin kan lantir leh ta niah ka ngai," tiin a sawi.