Shanghai Masters khel tur Sinner

Jannik Sinner chuan Shanghai Master a khel dawn. Tun kar laihawl mai khan China Open a khel zo chauh a, tunah inelna hautak a hmachawn zui leh nghal dawn, hahchawlhna hun pawh a nei lo tihna a ni.

Beijing khawpuia inelna an neih ṭum khan Sinner hi a damlo a, mi ṭhenkhat chuan Shanghai lamah a kal theih loh mai an ring hman. Mahse, Sinner chuan, "Ka hriselna a ṭha leh tawh a, inkhel tur pawhin ka inpeih.

"China Open kha a awlsam lo hle a, vanneih thlak takin ka hlawhtling hlauh. Tun ṭumah pawh hian result ṭha neih ngei ka tum dawn a ni," a ti. A match hmasa ber atan Geman player Daniel Altmaier a hmachhawn dawn a ni.

Shanghai Masters aṭang hian Carlos Alcaraz erawh a inhnukdawk thung a, Grand Slam vawi 24 champion tawh Novak Djokovic chu inlanin nizan khan a match hmasa berah Marin Cilic a hmachhawn a, result erawh kan hre hman lo.