Bangladesh-in Pakistan hneh

ICC Women's Cricket World Cup-ah Bangladesh (131/3) chuan October 2, Ningani khan R. Premadasa Stadium, Colombo-ah Pakistan (129) chu wicket sarihin an sawp. Zanin hian Australia-in Colombo-ah inelna thlengtu Sri Lanka an hmachhawn ang.

Hmeichhe cricket World Cup hi India leh Sri Lanka-in an inthlen ṭawm a, Pakistan hian an match zawng zawng hi Colombo-ah an khel a, India ramah an khel ve dawn lo. Pakistan hian semifinal leh final an thleng a nih pawhin Colombo-ah an khel dawn a, chutihrualin knockout stage an thleng lo a nih semifinal leh final hi Guwahati leh Navi Mumbai-ah te khelh tur a ni.

Guwahati hian tun inelna opening match hi a thleng a, India-in Sri Lanka an hneh. Assam Cricket Association Stadium-ah entu 22,843 pungkhawmin Women's World Cup group stage-a entu tam ber ṭum a ni. Hemi hama entu tam ber ṭum chu 2024 Women’s T20 World Cup-a India leh Pakistan inkhelh ṭum a ni a, entu 15,935 an pungkhawm.