Bayern Munich an chak chiang

Bundesliga-ah hmahruaitu RB Leipzig an chesual a, Eintracht Frankfurt lakah 2-0 in an chak lo. Bayern Munich-in an hun ṭha neih hmang ṭangkai nghalin Robert Lewandowski, Thomas Müller, Leon Goretzka, Thiago Alcantara leh Serge Gnabry te goal hmangin Schalke 5-0 in an sawp.

Bavarians hian hmahruaitu Leipzig chu khelh zat inangah point khat chauhin an pha tawh lo a, Hansi Flick hoten hian point 39 an hmu tawh. Chutihrualin Bayern hi an hnuai chiaha awm Borussia Dortmund aiin point khat chauhin an sang a, Bundesliga a ngaihnawm chho dawn.

Bayern Munich manager Hansi Flick chuan, "November thlaa Dortmund 4-0 a kan hneh ṭum ang chiah khan Schalke ho kha hmunawl kan pe lo. Kan khelh danah leh kan result-ah ka lawm hle. Leipzig chak lo khan kan team-ah phurna min pe a, tun match-a chak chauh ni loin a chung bera awm kan duh a ni," tiin nomawi humhim ngei an tum thu a sawi. Bayern forward Thomas Muller chuan Allianz Arena-a a goal 100-na a khung a, Germany national team coach Joachim Low-a'n duh tawh lo mah se Bavarians tan chuan player ṭha ber zinga mi a la ni.