India-in Windies an sawp

India-in West Indies nena Test match vawi hnih an khelh tura hmasa zawkah innings khat leh 140 runs-in an sawp. Narendra Modi Stadium-ah India an chungnung a, October 10-14, 2025 chhung hian Arun Jaitley Stadium, Delhi-ah Test match vawi hnihna an khel leh ang.

Ṭhumvawrah Windies an vannei a, vuak hmasak an thlang. First innings-ah 162 runs chauh an siam a, India-in 448 runs-in an chhanglet a, wicket nga chauh hloh mah se an duhtawk a, chakna thamah an ngai tawh.

Men in Blue tan KL Rahul (100), Dhruv Jurel (125) leh Ravindra Jadeja (104*) ten century an siam a, captain Shubman Gill pawhin half century a siam. Windies hi second innings-ah first innings aiin an run an la siam tlem a, 146 runs chauh an siam.

Mohammed Siraj chuan first innings-ah wicket li a la a, second innings-ah Ravindra Jadeja-a'n wicket li a thung. Siraj pawh second innings-ah che ṭha chhunzawmin wicket thum a la a, India-in inkhel an thunun theih nan batter leh bowler-te an che ṭha hle.