Semifinal-ah Gauff a tla

Coco Gauff chu China Open semifinal-ah Amanda Anisimova hneh loin a tla, American star hian nomawi a kawl lai chu a humhim thei dawn ta lo tihna a ni.

Wimbledon leh US Open finalist Anisimova hian minute 58 chhungin Gauff hi 6-1, 6-2 in a hneh a, a tir aṭanga a tawp thlengin inkhel a thunun a, final-ah Linda Noskova a hmachhawn leh ang.

Anisimova chuan, "Khatiang tak khan ka khel ṭha ang tih ka ring phak bik lo. Coco hneh tur chuan tihsual neih tlem kha a pawimawh tih ka hria a, mahni inveng tak chungin ka khel," a ti.

Gauff tan a nomawi hum theih loh a uiawm ang, chutihrualin season tawp hmain hming chherna tur tournament dang khelh tur a la nei dawn a ni.