Record thar siam leh tu Harry Kane

Harry Kane chuan Bundesliga record thar a siam - Bayern Munich striker hian Eintracht Frankfurt lakah goal a khung a, German football inelna sang berah hian season tir lam match paruk aṭanga goal 11 khung thei hmasa ber a ni.

England captain Kane hian Luis Diaz-a ball pek chu box pawn aṭangin a hlap lut a, hemi hma hian Liverpool forward hlui hian goal khat a lo khung hmasa tawh bawk.

Bayern Munich tan Diaz chuan ṭan aṭanga minute khatna lekah goal a khung nghal. Serge Gnabry-a siamsak chu hnai te aṭangin a lo pet lut a, hun tawp dawnah chak nemngheh nan Raphael Guerreiro siamsak a khung leh bawk a ni.

German champion hi an lawm erawh a kim lo, hun tawp hmain an striker ṭha Kane chu hliam vanga lak chhuah a ngai. Kane hi a kerek vei lam a hliam a, tun hma pawhin a kerek hi a lo hliam zauh zauh tawh ṭhin, a chawlh chen tur erawh hriat a la ni lo.

Kum 32 mi Kane chuan, "Ka dinhmun tak la hre lo mah ila England tan ka inkhelh theih ngei ka ring. Na vak loin kan intipalh a nimai a, rei vak lo hnuah ngai ka awh leh mai ang," tiin a sawi.

Three Lions coach Thoams Tuchel-a'n friendly leh World Cup qualifier khel tur a koh zingah Kane hi a tel a, a dam a nih phawt chuan ram tana inlan a duh ṭhin, tunah erawh a dinhmun ngaihchan rih a ngai.