Inter Village Volleyball: Vawiinah inelna chhunzawm dawn

Mizoram Volleyball Association (MVA) buatsaih - GIG Motors Inter Village Volleyball Tournament 2025 chu vawiin hian R. Dengṭhuama Indoor Stadium, Mualpuiah khelh chhunzawm a ni dawn a, mipa team ten second round an khel ang.

Vawiina inlan tur zinga, match hmasa lama hmuhnawm Vanbawng leh Hunthar an inhmachhawn dawn. Hunthar hi volleyball thiam veng an ni a, inelna sang Pro Volleyball League-ah pawh sulhnu an nei ṭha a, inkhel a hmuhnawm ang.

Thingtlang aṭanga PVL team nei thei Khawbel leh Hmunpui inkhel tur a hmuhnawm ngeiin a rinawm bawk.

Hmeichhe inelna lamah Electric Veng tan South Sabual lakah tha thlah ngawt a thiang lo bawk ang - Aizawl khawpui veng lian ho an chetsual nasat tawh avangin fimkhur a ngai dawn.