Zverev a chak lo

Alexander Zverev chu Arthur Rinderknech hneh loin Shanghai Masters khelh laiah second round paltlang zo loin a tla a, atan season tawp lamah pawh hun ṭha a inherchhuak hleithei lo.

Mipa tennis world number 3 Zverev hi Rinderknech lakah hian 4-6, 6-3, 6-2 in a chak lo, ani a tlak leh tak siah chuan player langsar zingah Novak Djokovic chauh a dam tawh - Serbian star hi nizan khan a inlan a, result kan hre hman lo a ni.

German tlangval Zverev hi a match hmasa zawk tawp lamah a inhliam a, a ke zungṭang hliam chungin Rinderknech hi a hmachhawn, set hmasa ber chu al mah se a hnuhnung pahnihah a hniam zawk.

Kum 28 mi Zverev chuan, "Set hnihna kan khelh aṭang khan na nawr na thei tawh lo, hun pawimawh laiah a chesual zawk ka ni ta zel a, ka tan chuan thawh chhuah ngaihna a awm tawh lo," tiin a sawi.

China ramah tennis inelna an nei mek a, season tawp hmain ranking sang zual pariatten Turin, Italy-ah ATP Finals an la khel leh dawn bawk a ni.