Inter Village Volleyball Inkhel a hmuhnawm chhunzawm

Mizoram Volleyball Association buatsaih - GIG Motors Inter Village Volleyball Tournament 2025 chu nimin khan R. Dengṭhuama Indoor Stadium, Mualpuiah khelh chhunzawm a ni a, inkhel hmuhnawm takah Khawhai chuan North Vanlaiphai VC II chu 3-0 in an hneh.

Inkhel dangah Chhinga Veng chuan Saitual VC I chu 3-1 in an hneh. Saitual hian an match hmasa zawkah Chanmri West hneh thei mah se, Pro Volleyball League team nei veng lakah erawh an ding khawng zo ta lo.

Volleyball tuichilh khaw pahnih inkhelah Khuangleng chuan NE Khawdungsei chu 3-2 in an hneh. Khuangleng hi an khaw chhuak Aizawla awm ten an ṭawiawm ṭha a, inkhel boruak siamtu pawh an ni.