India tan Terina leh Ayush

India Under-23 team head coach Naushad Moosa chuan friendly match-a Indonesia hmachhawn tur player 23 hming a chhawp chhuak a, an zingah hian Mizoram player Lalrinliana Hnamte leh Ayush Dev Chhetri te an tel.

Dungtlang/Chanmari midfielder Terina hi Indian Super League club Chennaiyin tana khel lai a ni a, senior huangah pawh India tana lo inlan tawh niin season hmasa khan ISL match 22 a khel a, goal khat a khung bakah assist vawi khat a ni. Kum bithliah inelna lamah chuan India tan hmun pawimawh luah ṭhin a ni.

Aizawl Dinthar Venga piang leh sei lian Ayush Dev Chhetri hi FC Goa tana khel lai a ni thung a, India senior team tan vawi thum inlan tawhin junior huangah hian vawi nga a khel tawh bawk.

Ayush hian season hman zawh takah khan Goan club tan ISL-ah match 23 khelin goal khat a khung a, assist vawi hnih a nei - Manolo Marquez-a'n India senior team-ah a koh phah hial.

Ocotober 10 leh 13 hian Gelora Bung Karno Madya Stadium, Jakarta-ah India hian Indonesia an hmachhawn dawn, match pahnih hi zan dar 6:30 ve veah khelh tur a ni ang.

India Under-23 squad

Goalkeepers: Dipesh Chauhan, Mohanraj K, Priyansh Dubey.

Defenders: Bikash Yumnam, Dippendu Biswas, Harsh Arun Palande, Muhammed Saheef AP, Ricky Meetei Haobam, Roshan Singh Thangjam, Sanatomba Singh Yanglem, Sumit Sharma Brahmacharimayum.

Midfielders: Ayush Dev Chhetri, Bekey Oram, Danny Meitei Laishram, Lalrinliana Hnamte, Mohammed Aimen, Vibin Mohanan.

Forwards: Muhammed Suhail, Korou Singh Thingujam, Parthib Sundar Gogoi, Sreekuttan MS, Suhail Ahmad Bhat, Thoi Singh Huidrom.