Player thar tan kawng a inhawng - Scaloni

9th October, 2025

Argentina coach Lionel Scaloni chuan World Cup 2026 khelh tura an inbuatsaihna kawngah, tun hnaia Venezuela leh Puerto Rico an hmachhawn turah player naupang leh inkhel tam lo zawkten hmel an lan tur thu a sawi.

World champion coach Scaloni chuan, "Tun ṭuma match kan khelh turah hi chuan, a hma lama hmel kan hmuh tlem deuhte tan kawng a inhawng dawn a, ram tana intlan tlak tawh chin hlir kan koh avangin hlauhthawn tur a awm lo ang.

"Chutihrualin, hmel thar hlir an inkhel dawn tihna erawh a ni lo, tawnhriat nei tam tak zingah hmel tharin khelhna hun an nei dawn tihna a ni zawk, team inkhairual tak nei turin hma kan la mek," tiin a sawi.

Argentina tan hian captain Lionel Messi pawh koh a ni. Inter Miami forward hi inkhel turin a taksa a inpeih tawk em tih erawh sawi chian a la ni lo. Scaloni chuan, "Leo nen kan inbe phawt ang, chumi hnuah a chiang dawn a ni," a ti.

October 11, Inrinni zingah Venezuela nen an inkhel dawn a, chumi hnuah Puerto Rico nen an inkhel leh ang. A tirah chuan Puerto Rico nen an inkhelhna tur hi Chicago-ah tih a ni, mahse khawthlang buaina vangin Miami lamah an sawn leh ta zawk.

Goalkeeper: Emiliano Martinez (Aston Villa); Geronimo Rulli (Marseille); Walter Benitez (Crystal Palace).

Defender: Cristian Romero (Tottenham); Leonardo Balerdi (Marseille); Juan Foyth (Villarreal); Nicolas Otamendi (Benfica); Julio Soler (Bournemouth); Nicolas Tagliafico (Lyon); Marcos Acuna (River Plate); Nahuel Molina (Atletico Madrid); Gonzalo Montiel (River Plate).

Midfielder: Alan Varela (Porto); Leandro Parades (Boca Juniors); Alexis Mac Allister (Liverpool); Exequiel Palacios (Bayer Leverkusen); Rodrigo De Paul (Inter Miami); Nico Paz (Como); Claudio Echeverri (Bayer Leverkusen); Giovani Lo Celso (Real Betis); Valentin Carboni (Genoa).

Forward: Thiago Almada (Atletico Madrid); Nico Gonzalez (Atletico Madrid); Franco Mastantuono (Real Madrid); Giuliano Simeone (Atletico Madrid); Lionel Messi (Inter Miami); Julian Alvarez (Atletico Madrid); Lautaro Martinez (Inter); Jose Mauel Lopez (Palmeiras).