Dortmund lakah Ancelotti tan fiahna

Zanin dar 11:30 hian Borussia Dortmund khelmual Signal Iduna Park-ah Bayern Munihch an lenglut dawn. Bun-desliga champion tum pahnih inhmachhawn tur hi Carlo Ancelotti tan fiahna hmasa a ni ang.

Italian manager An-celotti kaihhruaina hnuai--ah Bayern Munich-in league match 10 an khelh tawhah chak loh an la nei lo a, point 24 hmuin hmahruaitu an ni a, bulṭanna ṭha tak a ni. Hetihlai hian kaithar RB Leipzing (24 points) leh Hoffenheim (20) te pawh hneh loh nei loin an la kaltluang ve bawk - hei vang hian Real Madrid manager hlui hi fak hluai a la rem bik chiah lo.

Bayern player Holger Badstuber, Jerome Boa-teng, Douglas Costa leh Renato Sanches te chu hliam vangin an dinhmun a chiang lo a, international match a khelhnaa hliam tuar Arjen Robben erawh a inlan theih beisei a ni thung.

Thomas Tuchel-a naute an khelh ṭhat ber lai a ni lo a, holam taka point an hloh fo avangin league table-ah pawh 5-na an ni. Nomawi chawi an tum a nih chuan an elpui lakah point thum hmuh a pawimawh. Dortmund hian an match hnuhnung berah Hamburger 5-2 in an sawp a, striker Pierre-Emerick Aubameyang-a'n goal li zet a khung. Ga-bo-nese international hi an in-nghahna tur ber a ni leh ang.

Nipui transfer laia Bayern zawmtu defender Mats Hummels-a'n a club hlui a hmachhawn dawn a, lawm a hlawh viau lo ang. Ani bakah hian Mario Gotze hi enbik hlawh tur a ni dawn a, Germany international hian Dortmund aṭangin Bayern a zawm a, chumi hnuah a club hluiah a kir leh a ni.

Thomas Muller chuan, "Bayern leh Dortmund inkhel tur hi German ram mipui chuan an en vek dawn a ni," a ti. Hei hian inkhel tur boruak a hril chiang viau awm e.

German club lian pa-hnihte hi tum hmain inelna hrang hrangah vawi 105 an inhmachhawn tawh a, Bayern hian record nei
ṭha zawkin vawi 49 hneh-na an chang tawh. An intawn hnuhnung ber chu season ṭan hma a khelh Super Cup kha niin Arturo Vidal leh Thomas Muller te goal hmangin Bayern 2-0 in an chak.