TT Men's singles champion Anthony Amalraj

Ningani khan 11Even Sports National Ranking (East Zone) Table Tennis Championships khelh meka an ngaihhlut ber men's singles final khelh a ni a, Anthony Amalraj chun Sanil Shetty lakah 4-3 a hnehna changin cham-pion nomawi a chawi.

R. Dengṭhuama In-door Stadium, Mualpuia in-khelah kum 30-a upa Amalraj hian 7-11, 9-11, 13-11, 11-7, 11-9, 6-11, 11-9 in hnehna a chang a, North Zone Championship-ah a lo hlawhtlin tawh bawk avangin kuminah nomawi vawi hnih a chawina a ni. Tamil Nadu tlangval hian 2014 Commonwealth Games-ah khan India tan silver medal a lo la tawh.

Hmeichhe singles-ah Madhurika Patkar chuan Reeth Rishya lakah 11-7, 11-9, 11-9, 10-12, 15-13 (4-1) in hnehna a chang ve bawk. Patkar hian North Zone champion nomawi a lo chawi ve tawh bawk a, mipa leh hmeichhe champion te hi India rama Table Tennis zirna ṭha bera ngaih PSPB aiawh an ni.

Junior Boys inelnaah Manav Thakkar bawk a langsar leh. Youth Bays champion hian tun tour-na-ment chhunga a title pa-hnihna la turin West Bengal rawlthar Jeet Chan-dra chu 4-0 in a sawp. Junior Girls-ah Yashini Si-vashankar chuan 4-3 a Manushree Patil hnehin champion nomawi a chawi ve bawk.