Premier League a harsa - Antonio Conte

Chelsea manager Antonio Conte chuan Premier League chu a beisei aia a harsat thu a sawi. Italian manager chuan, "Premier League hi a hautak hle a, he league-a team enkawl chiahin chu chu a hriatthiam theih a ni. Player talent nei ṭha tak tak an tam hle. Team enkawl pawh a hautak a, 1-0 emaw 2-0 a kan chak a nih pawhin game inthlak danglam thei thut a nih reng avangin a tawp thlenga beih a ngai a ni. Team tinah player ṭha an awm vek a, hei hi ram dang league nena a danglamna chu a ni," tiin Premier League a dah sang hle.

Juventus boss hlui enkawl Chel-sea hian Pathianni zan dar 9:30-ah Middlesbrough an lenchilh dawn a, City laka point hlawh chhuak hlim team lakah an fimkhur a ṭul ang. Spain-in Macedonia nen World Cup qualifier an khelh leh England nena friendly match an khelha hliam vanga inlan thei lo Chelsea striker Diego Costa chuan club trai-ning a zawm leh tawh a, khawthlang media te chuan Spain striker hi khelmual chhunga inlan turin a dam chiang tawh niin an tarlang.