Hma kan sawn ang - Emery

Paris Saint-Germain head coach Unai Emery chuan French Ligue 1 no-mawi an kawl lai hum-him ngei turin hmalam pana an kal zel tur thu a sawi chhuak.

Tun season Ligue 1 match 12 an khelh tawhah PSG hi league table-ah pathumna an ni mek a, an chung chiaha awm AS Monaco nen point 26 ve ve hmuin hmahruaitu Nice chu point thumin an phak lo mek.

Sevilla coach hlui Eme-ry chuan, "Team hma-sawn theih dan tur hi nitin zan tina ka ngaihtuah ber a ni a, tunah hian min beisei ang leh duh ang kan la phak lo tih ka ka hria. Ka player zingah theihna nei sang tak tak an awm a, tun aia khel ṭha thei hi kan ni. Champions League-a hlawhtling tur chuan league-ah kan hlawhtlin hmasak a ngai," a ti.

PSG hian league no-mawi chauh an duh tawk loh avangin a zawna vawi thum Europa nomawi chawi thei Emery an lalut a, league leh Champions League-ah beisei angin an la khel chhuak rih lo - zanin dar 9:30 hian an league match 13 nan Nantes an lo mikhual ang.