Jayaram a tlang ve leh

China Super Series Premier badminton tour-nament khelh mekah P.V. Sindhu-i'n quarterfinal a luh hnuah mipa singles-ah Ajay Jayaram chuan last 16 a paltlang ve leh ta.

Nilaini tlai khan In-dian shuttler hian Hong Kong tlangval Wei Nan chu minute 56 chhungin 20-22, 21-19, 21-12 in a hneh. Dutch Open champion Jayaram hian Rio Olympic gold me-dallist Chen Long a hmachhawn leh ang. India tlangval dang Swiss Open champion H. S. Pran-noy erawh 17-21, 19-21 in Chinese shuttler Qiao Bin lakah a chak lo thung.

Hmeichhe singles last 16 inkhel dangah world number 1 Carolina Marin chuan Sayaka Sato lakah 21-13, 21-12 in hnehna a chang. Rio Olympic champion Marin hian Minatsu Mitani hnehtu Tzu Ying a hmachhawn ve leh thung dawn a ni.