Milan hmaah Inter inlan dawn

Pathianni zanlai dar 1:15 hian Serie A inkhel boruak sang a awm dawn. San Siro-ah AC Milan leh Inter Milan an inkhel dawn a, Italian club pa-hnihte hian khelmual an inṭawm avangin tum ṭum-ah chuan Milan hi mual neitu zawk an ni ang.

AC Milan hian tun hnai kum li chhungin beisei an phak lo a, tun season-ah erawh an khel-
ṭha tluang rih hle. Vin-cenzo Montella naute hian league match 12 an khelh aṭangin point 25 an hmu tawh a, table-ah pathumna niin hmahruaitu Juventus nen an inthlauhna chu point nga a ni.

Inter erawhin tun season-ah beisei an la phak lo, point 17 hmuin league table-ah pakuana an ni mek a, August thlaa an lakluh manager Frank de Boer pawh an ban hial. An match hnuhnung berah Crotone 3-0 a an sawp theih avangin an boruak
ṭha chhawm nun an duh hle ang tih a chiang.

AC Milan coach Vin-cenzo Montella chuan, "Serie A-ah chuan inkhel awlsam a awm ngai lo a, match tinah point hmuh a harsa vek. Inter nen kan inkhelh tur bikah phei hi chuan point a hlu zual dawn bik. Italy mai niloin khawvela inkhel ngaihven hlawh berte zinga mi a nih avangin hnehna chan ngei kan tum," tiin a sawi.

Inter Milan cpatian Mau-ro Icardi-a'n a leh-khabua a thu ziah vangin fans ti lungawi lo mah se goal hmangin an rilru na a thawi dam mek a, Milan lakah a goal khung a chhunzawm a nih ngat chuan Inter fan-ten an en-dan a danglam leh tawh ang.

Kum 23-a upa Icardi chuan, "Kan result avang-in player-ten inrintawkna kan hloh nasa hman hle. Ṭha taka kan khelh ṭum pawhin goal kan chhuah vangin a chak lo zawkah kan ṭang leh mai ṭhin. Mah-se, tunah chuan a dang--lam tawh, kan match hnuhnung berah goal kan chhuah loh bakah goal thum kan khung a, inrintawkna kan nei leh tawh," a ti.