Juve player naupang ber Kean

Moise Kean chu kum 2000 a piang chin player zingah European League liana inlan thei naupang ber a ni. Inrinni zan Serie A match 13-naa Juventus-in an mikhual Pescars 3-0 a an hnehna inkhelah a inlan.

Kum 16-a upa Kean hian hun tawp hma minute ruk la awmah goal khungtu Mario Mandzukic a thlak. Juve tan hian Mandzukic bakah Sami Khedira leh Hernanes ten goal an khung bawk.

Forward Kean hi a nu leh pa te chu Ivorian ni mah se U15, 16 leh 17 level-ah chuan Italy tan a inlan a, kum 17 tling tur-in thla thum nghah a la ngaih avangin tunah hian con-tract puitling a la ziak thei lo.