Di Maria-a'n Arsenal a hmachhawn thei ang- Emery

Inrinni zan khan Ligue 1-ah Paris St Germain-in Angel Di Maria leh Jese Rod-riguez goal hmang-in Nantes 2-0 in an hneh mah se Argentine mid-fielder Di Maria chu minute 37-naah inhliam vangin Hatem Ben Arfa-a'n a thlak.

French champion PSG hian November 23, Nilaini zanah Arsenal an hmachhawn dawn a, coach Unai Emery chuan Argentine midfielder Di Maria hi chhawr theih a inbeisei. PSG boss Eme-ry chuan, "Angel kan lakchhuah chhan kha fimkhur vang a ni a, Ni-laini zanah a chhawr theih ngei ka ring," tiin Di Maria chungchang a sawi.

PSG leh Arsenal hian Group A-ah point 10 ve ve an hmu tawh a, knockout stage lut chiang tawh mah se group hmahruaitu inchuhna inkhel a nih dawn avangin a pawimawh ang. Group hmahruaitu nih hi last 16-a team ṭha pumpelhna ṭha a ni.