China Open champion Sindhu

Pusarla Venkata Sin-dhu chuan nimin khan khawtual nula Sun Yu chu minute 69 chhunga hnehin a vawi khat nan China Open Super Series Premier champion nomawi a chawi.

Final inkhelah Rio Olympic champion Sin-dhu hian game hmasa ber chu 21-11 in a la nghal, tun tournament chhunga Su Yu-i'n game a hloh hmasa ber a ni. Chinese shuttler hian game hnihna chu 17-21 in la let ve mah se Hyderabad nula hian game hnuhnung berah erawh 21-11 in hnehna a chang. Kum 21-a upa Sindhu leh Sun Yu te hi an vawi ruk intawnna niin vawi thum ve ve hnehna an chang ta chiah.

Kum 22-a upa Sun Yu hian tun season-ah final vawi ruk a khel tawh a; Thai-land, China Masters, Singapore, Australia leh Japan Super Series-ah te pahnihna a lo ni tawh bawk.

Rio Olympic-a silver medal a lak hnuah Sindhu hian beisei a phak lo zui a, Denmark leh French Open-ah te second round a paltlang zo lo, tunah erawh a theihna san zia a lantir leh ta a ni.

China Open-ah hian Indian shuttler ten sulhnu an lo nei ṭha tawh ṭhin a, kum 2014 khan Saina Nehwal a lo champion tawh, world number 1 hlui hi kum 2015 khan pahnihna a lo ni tawh bawk.