Lords aia chungnung Tlangnuam

Inrinni khan Cricket Association of Mizoram buatsaih Mahuma Me-morial Cricket Tour-nament chu khelh chhun-zawm a ni a, Tlangnuam chuan wicket liin Zarkawt Lords chu an hneh. Zar-kawt hi bat hmasa zawkin over 25.1-ah an vaia out vekin run 46 an tlin hram a, over 5.1-a vawma run li chiah pea wicket li latu Tlangnuam bowler Lal-dinthara an ngam lo hle.

Tlangnuam bat hun a thleng a, over 10.2-ah an target umphain wicket ruk an hloh a, hnehna an chang ta a ni. Zarkawt tan Zorinliana Sailung chuan over thum lek a vawmah run kua pein wicket thum la thei mah se an batsman ho chet ṭhat loh an tuar a, a team tan a chet ṭhat a chhawr thei lo. Vawiin chawhma dar 9:15 hian Chaltlang SC leh Ramhlun Venglai te an inhmachhawn leh ang.