Aizawl FC = Bethlehem VT

Zirtawpni zan Mizoram Premier League Season 5 inkhelah goal a lut lo a, I League club Aizawl FC leh Bethlehem Vengthlang FC an intluk tawk.

Hahdam hun

Aizawl FC-in inhliam an neih avangin Dinthar nen an inhnehtawk ṭuma player pariat an thlak a, defence pali zingah Nigerian midfielder Benjamin Eniwo Onome a tel. AFC tana thu hriat nuam lo chu tlarhnung innghahna Lal­ramchullova inhliam vangin MPL5-ah a inlan thei tawh dawn lo.

BVT lamin semifinal atana inenchhinna atan an hmang ve bawk a, veteran midfielder Samson Ramengmawia'n a vawi khat nan inkhel bul a ṭan.

Goal awm lohna

First half-ah an intawn hmasak ṭuma goal awmchhun khungtu Lalrammuanpuia'n (Apuia) goal kham a pet per dawp a, hemi hnu hian Armed Veng South tlangval Apuia goal khung tur chu Aizawl FC keeper Zothanmawia'n (T. Mawia) ṭha takin a dang bawk.

Second half-ah Aizawl FC-in Brandon VL Remdika, Albert Zohmingmawia leh Rohmingthanga te luhtir mah se result an thlak danglam pha chuang lo.

Result nghawng

Aizawl FC-in semifinal an lut chiang tawh a, pathumnaa aia sangah an awm thei tawh lo. BVT hi hmahruaitu an la ni thei a, chumi tur chuan an match hnuhnung berah table mawngphaha awm Zo United an hneh a ṭul bakah AFC-in Chanmari FC an hneh sak a ṭul bawk.

Chutihrualin Chanmari FC-in an match hnuhnung berah AFC an hneh a, Chanmari West FC-in semifinal lut tura Chhinga Veng an hneh a nih bawk chuan I League club hi palinaah an awm ang. MPL hnuhnung pahniha final-a inhma­chhawn AFC leh Chanmari FC hi semifinal-ah an la inhmachhawn thei tihna a ni.

Tute nge inlan?

Bethlehem VT (4-4-1-1) : Malsawmdawngzela; K. Lalmalsawma, H. Lalhlimpuia, PC Laldinpuia, Hmingthanmawia; Laldinliana Varte, Zosangkima (Lalmawizuala 57'), Samson Ramengmawia, R. Lalrinsanga (PC Zosanga 71'); Lalrammuanpuia; Lalnunmawia.

Aizawl FC (4-4-2) : Zothanmawia; Lallawmzuala, Benjamin Eniwo, Jonathan Lalhriatkima, Lalramhmunmawia; William Lalnunfela, Lalnuntluanga, B. Zoramthara, Rochharzela (Brandon VL Remdika 61'); Bright Middleton Mends (Albert Zohmingmawia 79'), Jonathan Lalrawngbawla (Rohmingthanga 62').

ZoFooty Statistics

Bethlehem VT 0 - 0 Aizawl FC

MoM : Lalnuntluanga, AFC

48% Ball Possession 52%

11 Shots 9

3 On target 2

1 Yellow Cards 1

0 Red Cards 0

Powered By Rainbow Multibrand

Mobile Showroom

Round 14 Fixtures

November 24, Ningani

4:00 PM Ramhlun North Vs Dinthar FC

7:00 PM Chanmari W Vs Chhinga Veng

November 25, Zirtawpni

7:00 PM Bethlehem VT Vs Zo United

November 26, Inrinni

7:00 PM Aizawl FC Vs Chanmari FC