Jeje inhliam zanah Chennaiyin chak zo lo

Pathianni zan Indian Super League-ah Chen-naiyin FC striker Jeje Lalpekhlua chu hliam vanga lakchhuah a ni a, goal khat ve ve khungin an mikhual Atletico de Kolkata an inhnehtawkpui. Jeje-a'n Vanglaini palai hnena a lo sawi tawh ang ngeiin Hnahthial tlangval hi tlarhmaah Italian stri-ker Davide Succi nen inkawptir an ni a, inkhel ṭantir aṭangin Chennaiyin an hlauhawm nghal.

Inkhel ṭan aṭanga mi-nute hnihna lekah Jeje-a'n hun ṭha nei nghal mah se goal-ah a chantir thei lo a, Raphael Augusto hnen aṭanga a ball hmuh chu Hans Mulder tan ṭha takin siamsak zui mah se Dutch midfielder hian ATK keeper Debjit Majumdar chet ṭhat zan a tawng a, goal-ah a chantir thei lo.

Minute 39-naah Lal-rin-dika Ralte ball siam-sak a chhawr theih loh hnuah Atletico de Kol-kata tan Porto striker hlui Helder Postiga chuan goal hmahruai a khung a, Chennaiyin lamin an si phurh sut turin minute 77 an nghah thlen a ngai - Italian club Cesena aṭanga Chennai club zawmtu Succi chuan an chakna goal hi a khung a ni.

Jeje-a inhliam

Minute 22-na lekah hliam vangin Jeje Lal-pek-hlua lakchhuah a ni a, a thlaktu chu Daniel Lalhlimpuia a ni. Benga-luru FC striker hian AFC Cup final an thlen avangin South Indian club hi a zawm lawk thei lo a, Pa-thianni zan a inlan hi Chennaiyin tana a match hmasa ber a ni.

Mizo tlangval Jeje chuan, "Pathian zarah ka hliam a serious hran lo a, ni li vel erawh ka chawlh a ṭul dawn a ni," tiin Vang-laini palai hnenah a hliam dinhmun a sawi a, Nilaini zana Mumbai City an lenchilh hunah a inlan thei lo chiang ang.

Player dang

Mualneitu Chennaiyin tan Jeje Lalpekhlua leh Daniel Lalhlimpuia bakah Jerry Lalrinzuala a inlan a, Bethlehem Veng rawlthar hia tlarhnungah Chennai tan ban rinawm a ni.

Atletico de Kolkata tan midfielder Lalrindika Ralte chuan inkhel bul
ṭan mah se Robert Lalthla-muana tan erawh hmun a awm lo a, Khawzawl tlang-val hian bench lam-ah hun a hmang tluan.