Chen Long hnehin Jorgensen a champion

Pathianni tlai khan China Open bad-minton tournament chu khelh zawh a ni a, mipa singles-ah Jan O Jorgensen chuan khawtual tlangval Chen Long hnehin champion nomawi a chawi.

Fuzhou-a inkhelah Denmark tlang-val Jorgensen hian Rio Olympic gold medallist Chen Long chu minute 46 chhungin 22-30, 21-13 in a hneh. Jorgensen hian tun hmain Chen Long lakah result a nei ṭha ngai lo a, tun ṭum hi vawi 10 an inhmachhawn tawhah vawi hnih a hnehna chiah a ni. Kum 2014 Indonesian Open-ah khan a lo hneh tawh bawk.

Kum 28-a upa Jorgensen hian May thla khan an ram chu Thomas Cup a lo chawi pui tawh a, tun ṭum hi kumin chhunga singles title a lakna hmasa ber a ni.

Kumin China Open-ah khawtual mi an chungnung lo a, hmeichhe inelna lamah India nula PV Sindhu chuan Chinese shuttler Sun Yu lakah 21-11, 17-21, 21-11 a hnehna changin a vawi khat nan nomawi a lo chawi ve tawh bawk.