Allegri-a'n Kean a hauh na

Inrinni zan khan Ju-ventus forward Moise Kean chuan Pescara 3-0 a an hnehna inkhelah Serie A-a a match hmasa ber a khel a, kum 16-a upa forward hi kum 2000 hnu lama piang zinga Serie A match khel thei hmasa ber a ni.

Ivorian forward hi Pre--mier League club lian Manchester City leh Arsenal chuan sum tam tham taka lakluh an tum nia sawi a awm nghal a, Juventus boss Massimiliano Allegri chuan a rawlthar duhawm hi a hmalam hun thlir thiam turin a fuih nghal.

Serie A danah club-in kum 18 hnuai lam player hi kum thum aia tam contract an ziahpui thei lo a, Old Lady hian an player hi kum khata 860,000 hlawh turin contract thar an zawrh mek.

Allegri chuan, "Kean hian player a nihna anga hmasawn zel tur chuan Juventus aia team ṭha hi a tan an awm lo tih a hre tur a ni. Tun dinhmunah chuan sum ni loin player anga a ṭhan chhoh zelna tur hi a ngaihtuah a ṭul zawk," tiin a vau lawk nasa hle.

Juventus hian zanin dar 1:15-ah anmahni ang thoa tlawm hmel la hmu lo Sevilla chu Cham-pions League match an khelhpui dawn a, Group H hmahruaitu Sevilla tan last 16 lut tura draw a tawk laiin Juventus hian chak ngei ngei an mamawh thung.

Allegri chuan an inkhel tur thlirlawkin, "Zanin kan inkhel tur hi keini aiin Sevilla aiin a pawimawh zawk. Anni chuan an chak lo a nih chuan an match hnuhnung berah team ṭha Lyon an hmachhawn dawn a, keini chuan Dinamo Zagreb kan hmachhawn dawn. Dinamo kan hneh lo a nih chuan Champions League-a tel ve hi kan phu lo tihna a ni mai," tiin zaninah chak lo pawh nise chance an neih tur thu sawi pahin Sevilla lakah pressure a pe thiam hle.