Chaltlang chunga leng Ramhlun Venglai

Mahuma Memorial Cric-ket Tour-nament chu khelh chhunzawm zel a ni a, nimin inkhel inhnehtawk takah Ramhlun Venglai chuan run riatin Chaltlang SC an hneh. RVL hian over 39.1-ah run 176 siamin wicket an hloh vek a, Robert Lalfamkima (42 runs) leh Ngurdingliana (39 runs) te an chet ṭhat avangin RVL-in target huphurhawm tak Chaltlang tan an tuk sak.

Chaltlang-in chak ngei tum mah se Lalzuitluanga (32 runs) leh Arbin Shahi (44 runs) ten thlawptu ṭha an neih loh avangin over 37.2-ah run 168 siama wicket hloh vekin a tlawm zawkah a ṭang ta a ni. Vawiin chawhma dar 9:15-ah Chhinga Veng leh Luangmual an inhmachhawn leh ang.