Police hmachhawn tur la hriat loh

Aizawl DFA hnuaia First Division League khelh mekah round hnih chiah khelh tur a awm tawh a, Mizoram Police-in final lut tawhin an khingpui tur erawh hriat a la ni lo.

Final hi ruahman dan chuan December 6, zan 7:00-ah Lam-mualah khelh a ni ang a, table hnuai lama awm pahnih erawh second division-ah an tla thla thung ang.

Police hmachhawn tur?

Venghlui FC, Ramhlun FC, Chaltlang FC leh Aizawl FC zinga pakhatin final an lut dawn a, tun dinhmunah MFA Super Cup quarterfinal thleng thei Venghlui dinhmun a ṭha ber.

Nimin khan Venghlui FC-in 1st Bn MAP Academy 5-0 in an sawp a, Chawnpui FC-in Ramhlun FC 4-1 zeta an sawp bawk avangin Venghlui hi pahnihnaah an in-vawrh chho a. Nikum finalist Aizawl FC Academy-in hun tawp hma hreta Ramsangliana goal hmanga FC Kulikawn hnehin pathumna dinhmun an luah bawk.

Venghlui hian final beiseina nei Chaltlang FC leh an hnuai chiaha awm Ramhlun FC an la hmachhawn dawn a, Aizawl FC Academy-in an hnuaia awm Chawnpui FC leh 1st Bn Academy an la hmachhawn dawn avangin Venghlui FC aiin an dinhmun a
ṭha letlingah a ngaih theih.

Nimin Inkhel Results

Venghlui FC 5 - 0 1st Bn MAP Academy

VEN : PC Lianhmingthanga 7'; James Lalhmingsanga 32'; KC Larchhuakmawia 50'; Lalfakzuala 58'; Elis Zothansanga 75'

Chawnpui FC 4 - 1 Ramhlun FC

CHA : Zarzokima 8'; Malsawmzuala 45+2'; Lalrinhlua Hmar 50'; Zodinpuia 90+3'

RAM : Lalchhuansanga 84' (OG)

FC Kulikawn 0 - 1 Aizawl FC Academy

AIZ : Ramsangliana 90'

Team Dinhmun

# Team Pld W D L GF GA GD Pts

1 Mizoram Police 12 10 1 1 37 13 24 31

2 Venghlui FC 12 7 1 4 21 16 5 22

3 Aizawl FC Academy 12 6 2 4 13 15 -2 20

4 Ramhlun FC 12 6 1 5 21 17 4 19

5 Chaltlang FC 12 5 3 4 18 13 5 18

6 Chawnpui FC 12 4 2 6 20 27 -7 14

7 1st Bn MAP Academy 12 2 2 8 11 22 -11 8

8 FC Kulikawn 12 2 0 10 11 29 -18 6