Van Persie-a'n goal hnih a khung

Pathianni zan Kitalararasi Derby-ah Robin van Persie chuan goal hnih khungin Fenerbahce chu Galatasaray lakah 2-0 in hnehna a chanpui. Van Persie hi kum thum hnua he Derby-a Fenerbahce tana goal hnih khung leh thei hmasa ber a ni.

Kum 33-a upa Van Persie hian Derby boruak sangah goal a lo khung fo tawh a, Feyenoord tan Ajax lakah goal khung tawhin Premier League lamah Arsenal-a a khelh laiin Tottenham lamah a lo pet goal tawh bawk, hemi hnu hian Manchester United zawmin Manchester City goal-ah a lo khung tawh bawk.

Turkish Super Lig-ah Fenerbahce hian point 21 hmuin pathumna an ni mek a, point 20 hmutu Galatasaray hi pangana niin Besiktas (27) chu hmahruaitu an ni.