Gerrard leh MK Dons in­biak­na a tlawlh

League One club MK Dons chuan an manager Karl Robinson an ban hnuah manager thar ni turin LA Galaxy chhuahsan hlim Steven Gerrard be mah se Liverpool captain hlui nena an inbiakna hi a tlawlh a, manager dang an zawn chhunzawm nghal.

UEFA A coaching licence neih tuma inzir mek Gerrard hian LA Galaxy a chhuahsan rualin khelmual chhung leh pawn lamah sawmna tam tak a neih thu a sawi a, Celtic, Inter Milan leh a club hlui Liverpool nen sawizawm mek an ni bawk.

English third divi-sion club chairman Pete Winkelman chuan manager aṭanga Robinson an ban tirh khan MK Dons-in an tum ber chu Premier League khelh a nih thu a sawi a, chumi tur chuan 'tunlai football' khelhtir thei tur manager an zawn thu a sawi - Gerrard erawh a ni dawn ta lo.