Chhinga Vengin Luangmual an sawp

Mahuma Memorial Cricket Tournament round hnihna chu nimin khan khelh zawh a ni a, Chhinga Veng chuan run 148 zetin Luangmual an sawp. Chhinga Veng tan ball 62-a run 62 siamtu Abhay Joshi chu player langsar a ni a, Gaurav Singh (34 runs) leh Christopher Lalhruaitluanga (39 runs) ten an thlawp ṭhat bawk avangin over 39-ah wicket hloh vek mah se run 226 zet an vaw chhuak thei a ni.

Luangmualin an target um turin chakna an nei lo a, over 24-ah run 78 chiah siama an vaia out vekin Chhinga Veng lakah an mualpho ta a ni. Vawiin chawhma dar 9:15 hian Chanmarians leh Tlangnuam ten round thumna match hmasa ber an khel ve leh ang.