India an chak

India-in Visakha-patnam-ah England chu run 246-in Second Test-ah an hneh. India leh England hi test match hmasa berah an inhnehtawk a, test match vawi thum khelh tur la awmin Third Test hi Punjab Cricket Association Stadium, Mohali-ah Inrinni chaw-hma dar 9:30 aṭangin khelh ṭan a ni ang.

Second Test-ah hian India hian bat hmasain first innings-ah run 455 an siam a, England-in run 255 chiah an tlin thung. Second innings-ah India-in run 204 chiah siam mah se Jayant Yadav-a'n run 30 chiah pein wicket thum a la a, Tamil spinner Ravichandran Ashwin-a'n run 52 pein wicket thum tho a la a, English batsman ten Indian spinner an ngam lo.

England tan run 246 a an chak lohna hi run ang zawnga teh chuan India laka an chak lohna sang ber dawttu a ni a, run 100 tlin turin over 69.3 lai an mamawh bawk. Kum 1974-a West Indies nen Port of Spain-a test match an khelh hnua run 100 tlin tura hun an mamawh rei ber ṭum a ni. James Anderson chu a vawi 21 nan test duck (run siam lo) a nei a, England record thar a ni.

India captain Virat Kohli chuan, "Test match kan khelh leh tur atan rilru senna tur a awm lo, tuna kan khelh dan hi a ṭha em em a ni. England hian cricket-ah theihna sang tak an nei a, chuvangin in-thlah-dah a thiang lo a, pressure insiam lutuk erawh a ṭha chuang lo," tiin an result-ah a lungawi hle.