Messi-a'n training a zawm

Barcelona-in zanin dar 1:15-a Celtic an lenchilh hmain chanchin lawmawm an nei a, Malaga nen goal awm loa an inhnehtawk ṭuma dam lohna avanga inlan thei lo Lionel Messi chuan club training a zawm leh tawh.

Catalan club tan group hruaitu nichunga last 16 lut tur chuan zaninah chak a pawimawh dawn a, Nou Camp-a 7-0 zeta an sawp tawh team lakah hlauhthawnna nei loin an khel ang - hetihrual hian Brendan Rodgers-a naute hi Barca laka an mualpho hnu lawka Manchester City 3-3 a inhnehtawkpui thei an nih avangin dah hniam ngawt theih an ni lo.

Group C inkhel dang-ah zanin dar 1:15 hian Man-ches-ter City chuan Borussia Monchengladbach an len-chilh dawn bawk a, last 16 ticket tih chian vat an duh chuan zaninah an chak a
ṭul ang. Barca tana contract thar la ziak lo Lionel Messi lakluh nana pound mak-taduai 200 thehchhuak phal anga an sawi City hi Champions League group match hnuhnung bera 3-1 a Barca hneh thei an ni a, an phur vanglai tak a ni.

Gladbach-in hnehna an chang a nih chuan last 16 lut turin beiseina thar an nei ang a, Etihad Stadium-a 4-0 a an ngam tawh loh team lakah hian an tlawm nawn a nih erawh chuan Europa League knock out stage chu Celtic nena beisei tur an neihchhun a ni tawh dawn.